Albanian Journal of Internal Medicine

Revistë Shkencore e Shoqatës Shqiptare të Mjekësisë Interne

Albanian Journal of Internal Medicine (AJIM) është një revistë shkencore mjekësore, e themeluar në vitin 2024, si botim zyrtar i Shoqatës Shqiptare të Mjekësisë Interne, me ISSN 3007-6692.

Revista botohet dy herë në vit dhe synon promovimin e kërkimit shkencor, shkëmbimin e njohurive akademike dhe zhvillimin e praktikës klinike në mjekësinë interne dhe disiplinat e lidhura me të.

Nën drejtimin e Kryeredaktores, Prof. Dr. Margarita Gjata Resuli, AJIM mbështetet nga një bord editorial dhe një bord shkencor ndërkombëtar, me pjesëmarrjen e akademikëve dhe specialistëve nga Shqipëria dhe vende të ndryshme evropiane.

Shoqata Brainstorm (Brainstorm Association) është organizatë partnere e revistës AJIM, në kuadër të bashkëpunimit për promovimin e kërkimit shkencor, zhvillimin akademik dhe shpërndarjen e njohurive në fushën e shkencave mjekësore.

Revista publikon studime origjinale, artikuj përmbledhës, raste klinike dhe komunikime shkencore, duke ofruar akses të hapur në përmbajtjen e saj.