MEDICAL WINTER SCHOOL 12 – Dhjetor 2025

Shoqata Brainstorm, në bashkëpunim me Albanian Medical Events, Akademinë Eureka, Akademinë Ivodent, Shoqatën Kombëtare Shqiptare të Profesionistëve Dentarë, Shoqatën e Nefrologjisë, Universitetin e Barit, Universitetin Gabriele d’Annunzio, Chieti, Universitetet Mjekësore në Shqipëri, Kosovë dhe Maqedoni, si Universiteti Aldent, Albanian University, Universiteti i Prishtinës “Hasan Prishtina”, Medicalb dhe Klinika Le Ciel, realizoi për të 12-in vit “Medical Winter School 12”, në datat 05–10 Dhjetor 2025, në Budapest, Hungari dhe Vjenë, Austri.

Ky aktivitet mjaft i veçantë përfshiu 10 trajnime mjekësore të mirëfillta nga profesorë të nderuar të universiteteve mjekësore në vend. Të gjitha temat u trajtuan në formën e workshop-eve dhe diskutimeve interaktive mes lektorëve dhe studentëve pjesëmarrës. Gjithashtu, në këtë aktivitet nuk munguan argëtimet, eventet sociale, bisedat tematike mes studentëve dhe momentet festive. Në fund të aktivitetit u shpërndanë certifikatat e pjesëmarrjes.

Programi i aktivitetit

• 05 Dhjetor: Nisja nga Tirana në orën 06:30 dhe udhëtimi me autobus për në Budapest, me pushime të shkurtra gjatë rrugës.
• 06 Dhjetor: Mbërritja në Budapest. Vizitë te Ura e Luanëve, Ura e Elisabetës, Statuja e Shën Gellertit dhe në qendër të qytetit. Transporti dhe akomodimi në hotel. Kohë e lirë. Pasdite u zhvillua konferenca në hotel dhe në darkë u vizitua qyteti i Budapestit, parlamenti dhe qendra e qytetit.
• 07 Dhjetor: Mëngjesi në hotel. Vizitë në Katedralen e Shën Stefanit, Kështjellën Vajdahunyad, Sheshin e Heronjve, Citadelën dhe Kështjellën e Budës. Në darkë u zhvillua mbrëmja festive në ambientet e hotelit.
• 08 Dhjetor: Mëngjesi në hotel. Nisja për në Vjenë. Vizitë në monumentet e Vjenës, si Muzeu i Arteve të Bukura, Opera e Vjenës, Parlamenti, Bashkia e qytetit, universiteti kryesor, teatri kombëtar dhe kisha kushtimore, Katedralja e Shën Stefanit dhe kompleksi i pallatit Hofburg. Rikthimi në Budapest pasdite. Në mbrëmje u vizitua qyteti i Budapestit dhe pati një shëtitje me anije në lumin Danub.
• 09 Dhjetor: Mëngjesi në hotel. Ceremonia e shpërndarjes së certifikatave. Vizitë në qendër tregtare. Nisja për në Tiranë.