HEALTH & WELLNESS 2026 – Shtator 2026

Brainstorm Organization organizoi aktivitetin “Health & Wellness 2026”, në datat 19–20 shtator 2026, nga ora 09:00 deri në 23:00, në ambientet pranë Liqenit Artificial të Tiranës.

Aktiviteti mblodhi së bashku kompani farmaceutike dhe subjekte të tjera të fushës së shëndetit dhe mirëqenies, të cilat ofruan informacione të besueshme, konsultime, vizita dhe shërbime për qytetarët në dobi të shëndetit.

Qytetarët e Tiranës çdo ditë e më shumë përballen me sfida që lidhen me mënyrën e jetesës, mungesën e kohës për kujdes personal dhe nevojën për qasje më të thjeshtë në shërbimet bazë të shëndetit.

Për këtë arsye, ky aktivitet synoi:

• Ndërgjegjësimin e qytetarëve mbi rëndësinë e kontrolleve të rregullta shëndetësore dhe kujdesit parandalues.
• Afrimin e kompanive farmaceutike dhe institucioneve të shëndetit me komunitetin, duke u ofruar qytetarëve mundësinë të informohen dhe të marrin shërbime falas.
• Përforcimin e edukimit shëndetësor përmes paneleve informuese, konsultimeve individuale dhe shpërndarjes së materialeve edukative.
• Promovimin e Tiranës si një qytet që kujdeset për mirëqenien e qytetarëve, duke kombinuar hapësirat publike, si Liqeni i Tiranës, me aktivitete të dobishme për komunitetin.